Dinayyeg manen ti gingined a magnitude 5.6 iti kabaybayan asideg idiay Lingig, Surigao del Sur agarop alas 3:31 itay malem, Oktubre 29.
Maibasar iti earthquake information nga inruar ti ahensya, aguneg ti 10 a kilometro ti gingined.
Nagpalagip ti ahensya iti publiko a namnamaen iti posible nga aftershock kasarunoti panagdayyeg.
Maipalagip nga immuna a dinayyeg ti magnitude 5.7 a gingined iti nasao a lugar itay alas 11:19 ti agsapa.
Nailista met ti Instrumental Intensity II idiay Nabunturan, Davao de Oro, bayat nga Intensity I idiay Digos City, Davao del Sur; Bislig ken Tandag idiay Surigao del Sur.
