Imbinglay ni aktres Iwa Moto ti estoria iti likudan ti nasayaat a relasionna iti padana nga aktres a ni Jodi Sta. Maria, dati nga asawa ti kaduana a ni Panfilo “Pampi” Lacson Jr.
Kinuna ni Iwa nga awkward ti relasionda idi damo, ngem idi agangay, nagbalinda a nasinged gapu iti panagraem ken panagayatda iti anak da Jodi ken Pampi a ni Thirdy.
Segun pay kenni Iwa, immuna a nakiuman kenkuana ni Jodi idi masikog pay laeng ken inikkanna iti libro maipapan iti kinaina, a dayta ti rugi ti napintas a relasionda.
Manipud idin, agkakaduadan iti selebrasion ti kasangay ni Thirdy ken dadduma pay a napateg nga okasion. N
Maipalagip a nagkasar da Jodi ken Pampi idi 2005 ken nagsinada idi 2011 ken nangrugi met da Iwa ken Pampi nga agdeyt idi 2012, ken addaanda iti dua nga annak, da Hiromi Aiko Eve ken Caleb Jiro.
