Impasidong ni Ethiopian Prime Minister Abiy Ahmed dagiti amin a cabinet ministers ken sumagmamano a nangato nga opisial ti gobierno na iti panagsanay iti militar.
Karaman kadagitoy isuda Speaker of the House of Federation Muferiat Kamil, Finance Minister Fitsum Assefa, ken Health Minister Mekdes Daba.
Kinuna ni Ahmed a ti tarigagay daytoy ket tapno agbalin a physically fit, napigsa ti moral, ken makabael iti intelektual dagiti opisialna iti gobierno.
Agsipudta patienna a ti disiplina ti militar ket mangipaay kadagiti napateg a leksion iti disiplina, patriotismo, panagtitinnulong, panagsungbat, ken panangidaulo.
Napasamak ti panagsanay kalpasan dagiti karit iti seguridad a pakairamanan ti agtultuloy a panagrinnaut kadagiti paset ti amianan a rehion ti Tigray, riribuk idiay Amhara, ken kinaawan ti seguridad iti Oromia.
