Nakaawat ti tig-20 milyon a piso a tulong-pinansyal manipud iti national government dagiti 11 nga ili ditoy probinsia ti La Union tapnu suportaran iti rehabilitasyon ken recovery efforts kalpasan iti panagduprak dagiti napalabas a bagyo.
Personal nga impaay ni Presidente Ferdinand Marcos Jr. iti pondo kadagiti alkalde iti turnover ceremony a naangay idiay Heroes Hall, Malacañang Palace, Manila idi Nobyembre 5, 2026.
Nakipaset met iti seremonya ni La Union Governor Mario Eduardo Ortega tapnu kaduaan dagiti alkalde ken iwaragawag iti suporta ti provincial government kadagiti recovery efforts da.
Karaman kadagiti nakaawat ti pondo dagiti ili ti Pugo, San Juan, Bauang, Sudipen, San Gabriel, Luna, Bacnotan, Tubao, Naguilian, Santol, ken Bangar.
Aggapu met iti nasao a pondo iti National Disaster Risk Reduction and Management Fund–Disaster Rehabilitation and Recovery Assistance Program wenno NDRRMF-DRRAP.
Mausar iti ayuda ti panagurnos dagiti imprastraktura, pampubliko a pasdek, ken dagiti dadduma pay a naapektaran dagiti didigra.
