Rinugyanen ni Pope Leo XIV ti panagbisita na iti sumagmamano a pagilian idiay South America tapno talantanen ti naduma-duma nga isyu a sangsangwen ti rehiyon.
Manamnama nga agpaut ti 12 nga aldaw ti panagbisita na iti sumagmamano a lugar nga addaan ti dakkel a populasyon Katoliko ken agdama a sumangsango iti nakaru a krisis iti politika.
Immuna a simmangpet ti Santo Papa idiay Uruguay, maysa kadagiti pagilian idiay Latin America a nalatak nga addaan iti natitibker a demokrasya.
Kalpasanna, agturong isuna idiay Argentina ken Peru.
Maibilang ti nasao a biyahe kas maysa kadagiti karigatan nga overseas trip ti maysa a lider ti Simbaan Katolika kadagiti napalabas a dekada.
Maipalagip a naipasidong iti operasyon iti bara ti 71-anyos a Santo Papa idi napan a bulan.
Mangnamnama iti Vatican nga agtultuloy ti pagimbag na ken saanen a kasapolan iti espesyal a panagannad iti salun-at na bayat nga adda iti biyahe.
Nakatuding pay a bumisita ni Pope Leo XIV iti 10 a siyudad ken mangipaay ti pakabuklan a 36 a panagbetla kadagiti deboto a Katoliko.
