Impasigurado ni House prosecutor ken Bicol Saro Party-list Rep. Terry Ridon nga eksaminaren ti prosecution ti 24 a testigo ti depensa ni Bise Presidente Sara Duterte iti pannakaituloy ti impeachment trial inton bigat Lunes, Nobiembre 9.
Segun kenni Ridon, kontraen da dagiti testigo nga awan ti direkta a koneksionna iti alegasion a saan a mailawlawag a kinabaknang kontra iti Bise Presidente, nupay maikkan ti depensa iti gundaway a mangidatag iti dasigda.
Kinuwestiyonna pay no makatulong dagiti opisial ti banko, pannakabagi dagiti korporasion ken staff ti lokal a gobierno a karaman iti witness list tapnu mangsungbat kadagiti ebidensia nga indatag ti prosekusion.
Kabayatanna, kinuna ni House prosecution legal spokesperson Benjamin “Jay” Tolosa Jr. a nakasaganada a makikompromiso iti depensa kadagiti banag a saan a kasapulan a pagsusupiatan tapno maliklikan ti pannakaitantan ti trial.
Immunan nga inawat ti Senate impeachment court dagiti pinansial a dokumento ti prosekusion a naglaon kadagiti alegasion ti saan a naideklara a kinabaknang nga agdagup iti ₱817.87 a milyon manipud idi tawen 2022 aginggana idi 2025.
Impaganetget ni Ridon a kasapulan a makaipresenta ti depensa kadagiti testigo a makailawlawag kadagiti alegasion ken ebidensia nga indatag ti prosekusion.
