Kinuwestiyon ni House prosecution counsel Atty. Lorna Kapunan iti operasyon ti Cale88 Foods Corp. kalpasan a mapansin iti kinakurang dagiti empleyado ken raw materials kadagiti rekord ti kompanya a maipagarop a mangararamid ti banana chips.
“Banana chips daw ang negosyo pero walang saging sa libro,” waragawag ni Kapunan bayat a suksukmiten dagiti dokumento a naiparang iti impeachment trial ni Vice President Sara Duterte.
Maibasar kadagiti financial statement a sinukimat ti prosecution, adda iti bassit a nailista a finished products iti kompanya ngem awan iti nakaikabil a raw materials, supplies, wenno dagiti produkto nga agdama a maararamid.
Kinuwestiyon pay ni Kapunan iti bilang dagiti empleyado ti kompanya.
Segun iti General Information Sheets daitoy, awan iti rank-and-file employees idi 2023 ken 2024, bayat a dua laeng iti nakailista idi 2025.
Nadakamat pay ni Kapunan iti P150.77 milyon a birok ti kompanya idi 2024 ken kinuwestiyon nu kasatnu a napondoan iti operasyon ken nu sadinno a naiyapan iti kwarta a simrel kadagiti account daitoy.
Paset dagiti rekord ti Cale88 Foods iti panagsukimat ti prosecution kadagiti negosyo a maikonkonektar kenni Duterte ken iti asawa na a ni Atty. Manases Carpio.
Nupay kasta, paset laeng daitoy dagiti alegasyon ti prosecution a kasapulan a sungbatan ti depensa.
