Nangitukon iti Department of Budget and Management (DBM) ti P82.9 bilyon para iti year-end bonus ken cash gift para kadagiti kwalipikado a kameng ti gobyerno.
Makaawat tunggal kwalipikado nga empleyado ti bonus a katupag ti maysa a bulan a basic salary ken P5,000 cash gift.
Segun iti ahensia, P73.449 bilyon itinaitukon para iti bonus bayat a P9.549 bilyon met para iti cash gift.
Kinuna ni DBM Secretary Kim Robert C. De Leon, naiwarasen iti pondo kadagiti ahensya ken rumbeng a maawat dagiti empleyado iti benepisyo kagiddan iti umuna a sahod ita a bulan ti Nobyembre.
Kwalipikado dagiti nakatrabahon iti saan a bumaba iti uppat a bulan wenno 120 nga aldaw manipud Enero 1 agingga Oktubre 31, 2026 iti national wenno local government.
“Ang Year-End Bonus po ng mga government employees na katumbas ng one month basic salary, kasama ang P5,000 Cash Gift, ay dapat matanggap kasabay ng first salary for November. Na-release na po ng DBM ang pondo para rito, kaya we want to remind our agencies to ensure the timely release of these benefit,” waragawag ni De Leon.
Kinuna na pay a dakkel a tulong kadagiti empleyado ken iti pamilya da iti nasao a bonus aglalo ket asidegen iti holiday season.
“Alam po natin na malaking tulong ito sa ating mga kawani at kanilang pamilya, especially ngayong papalapit na ang Pasko. More importantly, this is our way of recognizing and thanking our government workers for their hard work, dedication, and continued service to the Filipino people,” innayon pay ni Sec. De Leon.
