Impannakkel iti Department of Trade and Industry (DTI), iti panangidaulo da iti ASEAN Economic Community Council ita 2026 ASEAN Summits, iti balligi iti rehiyon.
Iti maysa a press briefing ket partikular a dinakamat ni DTI Secretary Ma. Cristina Roque iti pannakaipatungpal ti ASEAN Digital Economy Framework Agreement (DEFA).
Segun iti Sekretarya, daitoy iti kaunaan a region-wide digital economy agreement ti intero a lubong, a maibilang a historiko kalpasan a naan-anay a pirmaan dagiti miembro a pagilian iti ASEAN.
Malaksid iti benepisyo ditoy rehiyon, manamnama pay iti positibo na nga epekto iti lubong, gapo iti kaadda iti integrated digital economy a mangbenepisyar ti nasurok 600M a tattao.
Mapatta-patta a dumanon iti US$1-T iti economic value daitoy, a posible a madoble inton madanon iti 2030.
Innayon pay ni Roque a makatulong pay iti digital economy framework tapno mapalaka iti trade and transaction dagiti negosyo kadagiti nagduduma a paset ti rehiyon.
Karaman kadagiti tarigagay iti katulagan ket ti panangpapartak ken panangpasayaat kadagiti digital transactions, panangpatibker iti proteksyon iti impormasyon; panangpapigsa iti cybersecurity kontra cyber threats, online scams, ken dadduma pay a digital risks; kasta met iti panangitandudo iti artificial intelligence ken dadduma pay a kabaroan a teknolohiya.





