Pormalen a pinirmaan dagiti pagilian a kameng ti ASEAN ti katulagan para iti ASEAN Power Grid tapno mapapigsa ti koordinasyon ti enerhia iti rehion.

Indauluan ti Pilipinas ti naan-anay a panagsasarita iti daytoy a gannuat agingga a nagtutunos ti amin a miembro a pagilian a nagpirma iti summit.

Segun kenni Department of Trade and Industry (DTI) Secretary Ma. Cristina Roque, mangipaay daytoy iti napaut a seguridad ti enerhia ken nataltalged a suplay ti koriente para iti intero a rehion.

manglukat pay ti nasao a katulagan ti cross-border electricity supply para iti naparpartak ken nawaya a panagsinnukat ti koriente iti nagbaetan dagiti pagilian.

Pammaneknek daytoy iti natibker a panagtitinnulong ti ASEAN tapno makaited ti ad-adda a konektado, inklusibo, ken narang-ay nga ekonomia.