Nag-walkout dagiti estudyante ti Don Mariano Marcos Memorial State University–South La Union Campus (DMMMSU-SLUC) tapno makipaset iti tignay protesta a mangsup-supyat iti Pax Silica initiative ken iti panagturong ni US President Donald Trump ditoy Pilipinas para iti maika-49 nga Association of Southeast Asian Nations (ASEAN) Summit.
Indauluan ti Kabataan Kontra Korapsyon (KKK) ken Anakbayan La Union ti panagtignay tapno ipanawagan ti panangdepensa ti karbengan dagiti estudyante, pannakasalaknib ti aglawlaw, ken pannakaitandudo ti nasyunal a soberanya.
Segun iti organizing group, panggep ti protesta nga ipukkaw ti pakaseknanda kadagiti polisiya a mainaig iti nasyunal nga interes, partikular ti posible nga epekto dagiti economic ken strategic agreements iti pagsayaatan ti umili a Pilipino.
Impaganetget pay dagiti nagprotesta ti kinapateg ti pannakipaset dagiti agtutubo kadagiti national affairs, nangruna kadagiti desisyon a kunada nga adda direkta nga epektona iti masakbayan ti sumaruno a henerasyon.
Maipagarop a ti panag-walkout dagiti estudyante ket mangipakita ti commitment a mangilaban ti karbengan dagiti umili ken mangsalaknib iti wayawaya ken soberanya ti pagilian.











