BR LA UNION – Indeklara ti Malacañang iti Abril 1 kas regular holiday iti intero a pagilian kas obserbasyon iti Eid’l Fitr wenno pagturpos ti Islamic festival a Ramadan.
Ita nga aldaw ti Huwebes, pinirmaan ni President Ferdinand Marcos Jr. iti Proclamation 839 kalpasan iti rekomendasyon ti National Commission on Muslim Filipino.
Nakailanad iti nasao a proclamation a deklarado a regular holiday kas pannakikaysa dagiti umili a Pilipino kadagiti Muslim iti obserbasyon ti Eid’l Fitr.
Iti nasao a deklarasyon ket maibasar ti nakailanad iti Republic Act 9177 a panangideklara kas regular holiday iti Eidl Fitr iti intero a pagilian.
