Inallukoy ni Acting Transportation Secretary Giovanni Lopez dagiti agpupuonan manipud kadagiti pagigilian a miembro ti Association of Southeast Asian Nations wenno ASEAN a suportaran ti panangpalawa ti mass rail transit system.
Iti naangay nga ASEAN Rail Conference (RailCon) 2026 idiay Ciudad ti Mandaluyong ket imbatad ni Lopez a ti proyekto ket mangpapigsa ti ekonomiya ken pasayaaten ti inaldaw-aldaw a kabibiag dagiti biahero.
Imbida na dagiti nagduduma a proyekto a kas ti North-South Commuter Railway, Metro Manila Subway Project, ken Metro Rail Transit Line 7, a paset ti nalawlawa a plano ti gobierno a mangidatag ti maysa a moderno ken interconnected rail network para ti mobilidad iti intero a pagilian.
Gapo kadayta ket impasiguro ti Asian Development Bank ti long-term support da para iti panangparang-ay ti railway infrastructure ditoy Pilipinas.
Nadakamat kadagiti diskusyon ti sustainability, digital innovation, kinatalged, panagpuonan, sector dagiti mangmangged, kasta met ti akem iti Philippine Railways Institute iti panagsanay kadagiti eksperto ken nakapamaysa iti naannayas a puersa ti sektor iti riles.
