Imbatad ti Department of Justice (DOJ) a posible nga ad-adu pay a personalidad, malaksid iti ‘celebrity,’ a karaman kadagiti mapukpukkaw a mammallot ditoy Pilipinas.
Segun kenni Justice Secretary Jesus Crispin Remulla, mabalin nga ad-adu pay dagiti nalalatak a tattao a maibestigaran mainaig ti nasao a kaso.
Mainaig iti dayta ket nagkedked pay ti sekretaryo a pasingkedan ti kinaagpaysuanan a karaman ti kasabwat ti ‘mastermind’ ti maysa a nalatak a babae nga artista ken innayon a kasapulan pay a maberipika ti impormasyon.
Impannakkel na met a dakkelen ti panagrang-ay iti kaso isu a kummiddaw isuna ti napapaot pay nga oras manipud iti publiko.
Pinasingkedan met ti ahensya a nagsurat dan iti gobierno ti Japan tapno kumiddaw iti tulong tapno mapaneknekan ti imbutaktak ti akusado a ni alias ‘Totoy’ a pinapatay ken imbelleng da dagiti bangkay idiay Taal, Lake.
Impasiguro met ni Justice Secretary Remulla ti aksyon manipud ti nagbinnulig a kameng ti Philippine Navy, Philippine Coast Guard, ken Department of Environment and Natural Resources.
