BR LA UNION – Siniguro ti Armed Forces of the Philippines nga agtultuloy a nakabantay da iti pakabuklan a 403 a siyudad ken ili nga adda iti sidong ti ‘areas of concern’ nga immuna nga indeklara ti Commission on Elections para iti umadanin a 2025 midterm elections.
Iti maysa a waragawag, imbaga ni AFP Spokesperson, Colonel Francel Margareth Padilla, a kabinnulig da ti COMELEC ken Philippine National Police (PNP) iti panangipaay ti seguridad ita nga eleksiyon.
Nairanta ti nasao nga addang a siguradwen iti seguridad kadagiti nasao a lugar partikular dagiti naipasidong iti yellow, orange ken red category.
Iti agdama a datos ti COMELEC, umabot iti 49 a lugar manipud Bangsamoro Autonomous Region in Muslim Mindanao ti nakapasidong iti yellow category.
Umabot met iti 53 a lugar idiay Regions 8, 9, 10, 12, CAR ken CARAGA ti nakapasidong iti orange category ken 38 a lugar idiay Regions 2, 5, 6, 8 ken BARMM ti impasidong ti Comelec iti red category.
Mainaig ti daytoy, kinumpirma ni FP Spokesperson, Colonel Francel Margareth Padilla nga umabot iti 18,000 a suldado iti akasagana a tumulong iti PNP ken COMELEC.
