Rinugianen ti Armed Forces of the Philippines (AFP) ken Australian Defense Force ti joint military training a maawagan kas Exercise Amphibious and Land Operations (ALON25) idi kalman aldaw, ti Biyernes, Agosto 15.
Panggep ti panagensayo a mapapigsa ti interoperability, joint projection capabilities, ken multi-domain operations dagiti puersa.
Maisayangkat ti Exercise ALON25 kadagiti isla ti Palawan ken Luzon a direkta a nakasango iti West Philippine Sea ken agpaot agingga Agosto 29.
Karaman iti panagensayo dagiti nasurok 3,600 personnel manipud AFP, Australian Defense Force, US Marine Corps, ken Royal Canadian Navy.
Agserbi met kas foreign observers dagiti pagilian nga Estados Unidos, Canada, Japan, South Korea, New Zealand, ken Indonesia kas paset ti International Observers program.
Sumagmamano kadagiti maisayangkat nga aktibidad ket ti amphibious and maritime operations and combined joint forcible entry operation (CJFEO) idiay Palawan ken ti combined arms live fire exercise (CALFX) – close air support (CAS) idiay Fort Magsaysay, Nueva Ecija.
