Inwaragawag ni AFP Armed Forces of the Philippines General Romeo Brawner Junior iti nagbalin a mensahe na kasaruno ti panagbisita ti 203rd Infantry Brigade idiay Oriental Mindoro, idi Agosto 14 nga asideg dan a mawakasan ti dekada nga insurhensya ditoy Pilipinas.
Pinadayawan ti AFP chief ti kinatured ken dedikasyon dagiti tropa a soldado a nakirinnaut iti nabiit pay nga engkuwentro kontra kadagiti rebelde a New People’s Army (NPA) iti nasao a probinsiya.
Segun kenni General Brawner, nakatuding a mapermaan ti maysa a katulagan a tapno italnan dagiti NPAs ti insurhensya da para iti manamnama a kinakapia.
Impannakkel pay ti AFP chief ti panag-surrender dagiti aganay 189 a rebelde ken miembro ti NPA kasta met ti pannakakumpiskar dagiti armas idiay Uson, Masbateidi laeng Agosto 8.
