LA UNION -Impaganetget manen dagiti nangangato nga opisyal ti Armed Forces of the Philippines (AFP) ti loyalty da iti konstitusyon ken iti administrasyon ni President Ferdinand Marcos Jr.
Inaramidda ti statement bayat ti courtesy call da kenni House Speaker Martin Romualdez idi Martes idiay Kamara.
Segun kenni AFP Deputy Chief of Staff LtGen. Jimmy Larida nga agkari da iti konstitusiyon ken iti duly-constituted authorities.
Iti biang ni Lt Gen. Ferdinand Barandon, commander ti AFP Intelligence Command, impaganetget na a napudno ti militar iti konstitusyon, agtalinaed a propesyunal ken mission focused.
Kadwa da a nag-courtesy call iti speaker dagiti 17 a newly promoted generals ken senior flag officers.
Immunan a siniguro ni Speaker Martin Romualdez ti suporta iti AFP nangruna iti 2025 budget ken iti P350 daily subsistence allowance dagitoy.
