LA UNION – Agtultuloy iti imbestigasyon dagiti otoridad manipud Licuan Baay Police Station idiay Abra seknan iti nadiskubre a bangkay ti ag-ama iti karuotan a paset ti Abra-Kalinga road idiay Sitio Pasigad, Barangay Bonglo, ti nasao nga ili idi Oktubre 12.
Dagiti biktima ket nabigbig nga isuda Alex Borreta ken iti 17-anyos nga anak a ni Richard, residente da idiay Barangay Agtangao, Bangued.
Segun kenni PLT Jerry Granel, deputy chief-of-police, iti interview ti Bombo Radyo Vigan, alas-7 ti rabii idi pimmanaw dagiti biktima iti balay da, ngem saanen a nakasubli dagitoy iti pamilya da.
Segun kenni Granel nga awan ti criminal record dagiti biktima, ken agtultuloy ti imbestigasyon tapno marisote iti kaso.
Iti bangkay dagiti biktima ket nakita ti maysa a barangay kagawad a limmabas iti nasao a lugar.
Narekober dagiti otoridad iti dua a basyo ti bala ti kalibre .46 a paltog ken dua met a basyo ti bala iti maysa a 5.56 kalibre ti armalite rifle.
