LA UNION – Naminsan manen a naipamatmat ti Bombo Radyo Philippines iti bileg ti panagkaykaysa ti komunidad ken kaipapanan ti bolunterismo, babaen iti ballaygi a pannakaisayangkat ti Dugong Bombo 2024: A little Pain, A life to Gain, maysa a nationwide simultaneous bloodletting activity, a naiganwat idi Kalman, Nobyembre 16.
Ita a tawen, nakaor-or ti Dugong Bombo ti aganay 2 million cc wenno kaibatugan ti aganay 2,000 liters, wenno 524 gallons, wenno aganay 10 drums ti dara.
Nagtaud daytoy iti nasurok 4,400 blood donors iti intero a pagilian, a nangipakita ti kinabanwar dagiti Pilipino.
Iti panag-tinnulong ti Bombo Radyo Philippines Foundation Inc. ken Philippine Red Cross, agtaltalinaed a maysa nga ehemplo ti panag-sakripisyo ken dedikasyon iti Dugong Bombo tapno masungbatan iti kritikal a pagkasapolan ti dara kadagiti blood banks ti pagilian.
Laksid iti pangta ti Super Typhoon Pepito iti sumagmamano a lugar ken adda pay bomb threat, natuloy latta iti aktibidad, a mangipak-pakita ti kinatibker ken dedikasyon dagiti volunteers, organizers, ken dadduma pay a kabinnulig a grupo ken organisasyon.
Iti suporta ken pannaki-paset ket simbolo ti dackel a talek ti publiko iti Bombo Radyo Philippines.
Ipeksa ti Bombo Radyo Philippines iti naimpuswan a panagyaman iti amin a blood donors, successful man ken saan, dagiti sponsors a nangipaay ti kontribusyon ken nagserbi a tulbek iti ballaygi ken awan kaparis a programa, iti Dugong Bombo, a little pain, a life to gain.”
Iti bloodletting activity ita a tawen ket mangipakita iti panagbalin nga epektibo dagiti inisyatibo, babaen ti tulong ti komunidad iti panangisalbar ti biag ken panang-patibker ti panagkaykaysa.
Kabayatanna, kadagiti 24 areas a regular a pakaisay-sayangkatan ti Dugong Bombo, iti laeng Bombo Radyo Legazpi ken Bombo Radyo Naga iti nangitantan ti aktibidad iti sabali nga aldaw, gaputi narungsot nga epekto ti super typhoon Pepito.
