BR LA UNION – Maim-imbestigaran iti Department of Energy (DOE) dagiti gasut a reklamo a naawat dagitoy gapu iti serye ti bigtime oil price hike.
Segun kenni DOE Sec. Sharon Garin, agsisimparat a reklamo iti naawat ti linukatan da a ‘Gas Station Concerns’ feature iti eGovPH iti tulong ti Department of Information and Communications Technology (DICT).
Segun kenni Garin, idi pay napalabas a lawas sakbay a nagbalin nga epektibo iti double-digit price hike, ket dandani 100 concerns iti naawaten ti DOE, nga amin dagitoy ket inamiris ken im-imbestigaran ti ahensiya.
Iti sumagmamano a gundaway, dagiti personnel mismo ti DOE ti nagturong kadagiti mairek- reklamo nga istasyon tapno mangisayangkat ti panagsukimat, ngem adda met dagiti gundaway a dagiti pulis ti nangisayangkat ti imbestigasyon.
Iti agdama, lalo pay nga immadu dagiti reklamo, kaadwan ket gapu iti nangato a presyo dagiti produkto petrolyo, a saan a maitunos iti naingkalintegan a price range.
Agingga katengngaan ita a lawas, kinuna ni Garin nga umabot iti 500 a reklamo ti naawat da ken agtultuloy a maim-imbestigaran.
