BR LA UNION – Kinumpirma mismo ni Presidente Ferdinand Marcos Jr. idi kalman, Oktubre 11, 2026, nga inawatna iti resignation ni Information and Communications Technology Secretary Henry Aguda.
Segun iti Presidente, nagbalin a nadagsen iti inaramid a konsiderasyon ti panagikkat iti puwesto ti sekretaryo, agsipudta adda pakainaiganna daytoy iti isay-sayangkat nga imbestigasyon ti Office of the Ombudsman.
Iti agdama ket maipaspasidong iti imbestigasyon seknan iti “Ghost Internet” ti DICT gapu kadagiti report a binayadan ti gobyerno dagiti kontratista para iti internet connectivity services, arwaten, ken software a pakairamanan ti Free Wi-Fi for All Program, ngem saan met nga aktwal a nai-deliver wenno saan a nasayaat ti koneksiyon na.
Adda pay dagiti alegasyon nga overpricing ken panagusar kadagiti peke wenno da-an a software.
Sakbay a naglosolos ni Aguda, nakalak-am pay ti nakaru a pammabalaw iti liderato ti DICT itay nabiit gapu iti kontrobersiyal a temporaryo a panang-block wenno panang-ban iti communication platform a Discord ditoy Pilipinas.
