Manamnama a dua agingana uppat a bagyo iti mabalin a mabukel ken sumrek iti Philippine Area of Responsibility ita a bulan ti Setyembre, kasta met iti agtultuloy a panagraira ti Southwest Monsoon wenno Habagat.
Nasurok-kumurang a dua pulo a bagyo iti mabukbukel ditoy pagilian tunggal tawen, ken iti bulan ti Setyembre iti maysa kadagiti peak months ti typhoon season.
Iti agdama, adda ti mabanbantayan a Low Pressure Area asideg ti Camarines Norte a posible nga agbalin a bagyo kadagiti sumarsaruno nga aldaw.
Sumagmamano kadagiti mabalin a maaramat a nagan ita a bulan ket iti “Kiko” ken “Lannie, depende iti bilang dagiti bagyo a sumrek iti PAR.
Maibasar iti forecast ti state weather bureau, makapadas iti Bicol, Eastern Visayas, ken Quezon ti nalulem a tangatang nga addaan ti mawaras-waras a panagtudo ken panagguruod, bayat nga dagiti sumagmamano a paset ti Mindanao, Metro Manila, ken MIMAROPA ket makapadas ti panagtudo gapo ti Habagat.
Nabalakadan iti publiko kangrunaan dagiti adda kadagiti nababa a lugar ken kabanbantayan a rehiyon nga agbalin nga alerto iti posible a panaglayos ken pangreggaay ti daga.
