LA UNION – Pinasagidan ni sigud a US First lady Michelle Obama ni sigud nga US president Donald Trump seknan iti kunana a saan a nasayaat a panang-trato na kadagiti black ken colored community idiay Estados Unidos .
Iti panagbetla ni Obama iti agtultuloy a Democratic National Convention idiay Chicago, imbaga na nga iti uneg ti sumagmamano a tawen, awan iti sabali nga inaramid ni Trump nu saan nga ipinta ti black community a dakes ken allokoyen iti publiko a pagbutngan dagitoy.
Iti limitado kunana nga opinion ti biag ni Trump iti mangidur-duron kenkuana tapno pagbutngan ti sumagmamano a succesful black professionals.
Immani met iti napigsa a riyaw iti panagbetla ti sigud a presidential wife .
Banat pay ni Obama, nu siasino iti napigsa ti pakinakem na a mangibaga kenni Trump a ti trabaho a tarigagay na ket maysa a trabaho a posible a mas bagay iti black community wenno maysa a black job?
Nagturong da Michelle Obama ken sigud a US President Barack Obama idiay Chicago tapno makipaset iti Democrats iti maisay-sayangkat nga uppat nga aldaw a convention.
Iti met panagbetla ni sigud a President Barack, imbaga na a nakasadag kadagiti botante iti laban para iti Amerika .
Mamati ni Barack nga agbalin a tight race iti laban iti baetan da Harris ken Trump ket dagiti laeng botante iti makapag-desisyon.
Ngem kagiddan daytoy kunana iti panagdesisyon dagiti botante, adu iti posible nga agsalodsod nu siasino iti lumaban para iti karbengan ken pagsayaatan dagitoy .
Impaganetget ni Obama, a sigurado a saan a ni Trump ti sungbat dayta.
Binabalaw pay ni Obama iti simmaruno enkuana a Presidente a saan a nagsardeng nga agrek-reklamo sipud idi nangabak a presidente ti US.
Idi kalman, ti umuna nga aldaw ti Democratic National Convention, immuna a nagsarita ti dadduma pay a nagserbi a lider ti Democrats kas kada sigud a Senator ken 1st Lady Hillary Clinton, US President Joe Biden, ken ni presidential candidate Kamala Harris.
