BR LA UNION – Intantan ni US President Donald Trump iti panangipatungpal ti 25 percent a taripa idiay Mexico.
Kinuna ni Trump a saan pay laeng nga epektibo ita nga Agosto 1 ti nasao a taripa ken mapaway-wayan pay ti agingga 90 nga aldaw.
Inaramid ni Trump iti anunsiyo kalpasan a makasarita na iti telepono ni Mexican President Claudia Sheinbaum.
Inlawlawag ni Trump a naidumduma iti Mexico agsipudta adda problema na kadagiti assets ken borders.
Kadagiti sumaganad nga aldaw, makitung-tong da iti Mexico seknan kadagiti nasao nga isyu.
Iti uneg ti 90 nga aldaw ket mapasamak ti pinnirma iti dua a pagilian para iti baro a trade deal.
Maikadwa iti Mexico a kangrunaan nga agang-angkat kadagiti produkto manipud US, sumarsaruno iti Canada.
