LA UNION – Inaresto dagiti otoridad iti agkabsat gaputi maipagarop a panagikot dagitoy iti naduma-duma a klase ti bala.
Nabigbig dagiti agkabsat nga isuda Michael ken Melchor Niñalga, agtawen ti 43 ken 41, ken agpada a residente ti Barangay Guesset, Naguilian, La Union.
Naarestar dagitoy babaen iti warrant of arrest, napetsaan ti July 16, 2018 nga impaulog ni Hon. Mervin Jovito S. Samadan, Acting Presiding Judge, RTC First Judicial Region, Branch 70, Burgos, Pangasinan gaputi kaso dagitoy a panaglabsing iti R.A. 10591.
Naamwan a nakumpiskaran itay kallabes dagiti agkabsat a suspek iti naduma-duma a bala, kas iti pito a live ammos para iti cal. 45 pistol, bala iti 38 a paltog, ken bala para iti M-16 rifle.
Dagiti suspek ket agpada a naipasidong iti custodiya ti CIDG-La Union para iti umno a disposisyon.
