BR LA UNION – Pinaglibakan ni sigud a Justice Secretary Vitaliano Aguirre II ti panagbalin a “co-perpetrators” wenno ka-kutsabo iti kaso a crimes against humanity ni sigud a presidente Rodrigo Duterte idiay International Criminal Court (ICC).
Iti maysa nga interview, inawagan ni Aguirre a naka-kat-katawa iti akusasyon,kinuna na “I find it hilarious.”
Impaganetget ti sigud a Department of Justice (DOJ) chief a saan a karaman iti kontrobersyal a war on drugs ti administrasyon ni Duterte.
Kinuna na pay a nagserbi laeng isuna kas abogado agingga a nadutukan a Justice Secretary manipud 2016 agingga Abril 2018.
Nainget na a paglbakan iti akusasyon a rumbeng nga agsungbat kadagiti pammapatay nga adda pakainaiganna iti anti-drug campaign, ken inlawlawag na pay a saan a mangipat-patungpal ti operasyon iti Department of Justice.
