BR LA UNION – Nagun-od ni Filipina tennis sensation Alex Eala ti kadakkelan a titulo iti karera na, kalpasan nga inabak na iti top seed a ni Jessica Pegula, 4-6, 6-4, 6-0, iti kalkalpas a finals ti 2026 Mubadala DC Open idiay Washington, D.C.
Nangipamatmat ti determinasyon ni Eala kalpasan a naitantan ti aganay 20 nga oras iti laban gapu iti dakes a panawen.
Laksid ti pannaka-abak na iti umuna a set, bimmawi ti 21-anyos a Pinay tapno i-domina ti sumaruno a dua a set ken maiyawid ti kampeonato.
Malaksid ti immuna nga WTA 500 championship, nailista pay ni Eala ti maika-siyam a panangabak na kontra iti Top 10 player, ken maikapito ita a tawen, kalpasan a pinarmek na iti world No. 4 ken hometown favorite a ni Pegula, a lalo pay a nangpatibker ti pannakaital-o na iti lubong ti women’s tennis.
