Dakkel ti posibilidad a sanguen ni Filipina tennis star Alex Eala iti Miami Open ni world number 3 Iga Swiatek, kasaruno ti pannakaalana ti first round bye ken nakaikeddeng nga agay-ayam iti maikadua a round.
Ur-urayen pay laeng ni Eala no sino iti makaay-ayam na iti Round of 64 ken iti mangabak ket posible a makasango ti Polish tennis star.
Iti napalabas a 2025 Miami Open ket inabak ni Eala ni Swiatek iti score a 6-2, 7-5 ngem napaay isuna iti semifinals kontra kenni Jessica Pegula.
Manamnama nga ado a Filipino fans iti agbuya kangrunaan ta ngimmato pay isuna iti ranked 29 iti Women’s Tennis Association.###
