LA UNION – Naiyawaten dagiti otoridad idiay Indonesia iti poder da Dept. of Interior and Local Government Secretary Benhur Abalos ken Philippine National Police chief Police General Rommel Marbil ni dismissed Bamban, Tarlac mayor Alice Guo ket manamnama nga agsubli da ditoy Pilipinas ita a rabii ti Huwebes.
Naamwan nga itay parbangon ti Huwebes a simmangpet idiay Indonesia da Abalos ken Marbil.
Maipalagip a ni Alice Guo wenno Guo Hua Ping ket sumang-sango iti kaso nga adda pakainaiganna iti operasyon ti maysa nga ilegal a Philippine Offshore Gaming Operator (POGO) idiay Bamban, Tarlac partikular iti human trafficking ken money laundering.
Maipalagip a naaresto ni Guo idiay Tangerang City, Jakarta, Indonesia idi aldaw ti Miyerkoles.
