Nangiruar ti allagaden ti Korte Suprema seknan ti panangikonsidera ti voluntary surrender a kas mitigating circumstance wenno wagas a mangpababa ti pannusa ti maysa nga indibidwal.
Ti desisyon nga insurat ni Associate Justice Samuel Gaerlan, pinagbigyan ti Korte Suprema ti petisyon ti maysa a lalaki nga addaan ti kaso a bigamy ken impababa ti dusa na ti uppat a tawen manipud iti sigud nga innem.
Daitoy ket kalpasan a bigbigen ti korte ti boluntaryo a panag-surrender ti lalaki idi maamwan nga adda ti kaso ken warrant of arrest kontra kenkuana.
Sakbayna ket nagturong ti lalaki sadiay National Bureau of Investigation (NBI) tapno mangala kuma ti clearance ngem kellat a nagparang ti “HIT” iti nagan na.
Sakbay pay a maipila kenkuana ti warrant ket impeksa nan ti korte iti panggep na nga ag-surrender ngem saan a binigbig daitoy ti Regional Trial Court ken Court of Appeals kas kaso ti “voluntary surrender.”
Nupay kasta, imbatad ti Korte Suprema a nu panggep a talaga ti lalaki a tarayan ti linteg ket saan nan a gandaten pay ti agturong sadiay NBI kasta met nga awan iti pammaneknek nga ammo na ti maipanggep ti naipaulog kontra kenkuana a warrant sakbay iti panag-surrender.
