Naluktanen ti maysa a gate ken nangipalubos iti danum ti Ambuklao Dam idiay Benguet a dumanon ti 33 cubic meter per second.
Daitoy ket kasaruno a dimmanon ti agingga 751.61 meters ti reservoir water level iti dam, kayat na satwen, 0.39 meters laengen ti baetan sakay a madanon iti 752 meters wenno normal height water elevation.
Segun iti Philippine Atmospheric, Geophysical and Astronomical Services Administration (PAGASA) Hydro-Meteorology Division, ti panangipalubos ti danum ket gapo iti epekto ti bagyong bising ken habagat.
Kasaruno na ket nagballaag ti PAGASA kadagiti residente iti lugar ken local disaster risk reduction and management council iti aglawlaw ti dam.
Nasken kunada a mangipatungpal ti precautionary measure, partikular iti paset ti Barangay Ambuklao idiay Bokod Benguet.
