LA UNION – Naideklaran a drug cleared iti amin a Bureau of Jail Management & Penology (BJMP) ditoy Region 1.
Segun kenni Bismarck Bengwayan, public information officer ti Philippine Drug Enforcement Agency (PDEA) Regional Office 1, base daytoy iti inaramid da nga assessment nu nagtungpal met laeng kadagiti requirements iti amin a district jail wenno pagbaludan iti rehion.
Immuna ditoy, nangisayangkat ti drug test ti PDEA katinnulong dagiti dadduma nga ahensiya ti gobierno kadagiti balud ken empleyado ket nag-negatibo dagitoy iti panagaramat ti droga.
