Nasurok a 23.8 milion suspicious transactions ti impadamag ti Anti-Money Laundering Council (AMLC) para iti tawen 2024.
Iti budget deliberation, kinuna ni Senate Committee on Finance Chairperson Grace Poe, sponsor ti budget ti AMLC iti plenary, mapattapatta nga adda 23.882 million kadagiti suspicious circumstance kadagiti banko ti naammuan ti AMLC manipud umuna agingga maikatlo a quarter.
Manipud idi 2022 agingga 2024 ket nasurok 36.9 million met ti naawat a mapagduaduaan a covered transactions nu sadino ket pakairamanan ditoyen dagiti kaso nga adda pakainaigan na iti smuggling, swindling ken panaglabsing iti electronic commerce act of 2000.
Ti covered transactions ket mangdakdakamat iti general threshold a dumanon iti P500,000; kayat na a satwen, nu dumanon iti kastoy a gatad ti transaksyon ti banko ket rumbengen nga ireport iti AMLC.
