BR LA UNION – Sumango ni sigud a Bamban, Tarlac mayor Alice Guo iti 62 a kaso a panaglabsing iti Anti-Money Laundering Act agraman ti dadduma pay a kakadwa na.
Daytoy ket kalpasan a maresolba ti Department of Justice ti reklamo nga inpila ti Anti-Money Laundering Council, Presidential Anti-Organized Crime Commission, ken National Bureau of Investigation idi napan a tawen.
Imbinglay a mismo ni Department of Justice Spokesperson Mico Clavano a mairekomendan ti panangipila iti kaso kontra iti sigud a mayor ti Bamban, Tarlac.
Kinuna na a napagtitipon iti 26 counts a money laundering iti sidong ti Section 4(a) ken 5 counts met iti kapada a panaglabsing iti kaso a money laundering ti Section 4(b).
Segun kenni Clavano, a pannakangiwat ti Department of Justice, 30 a tattao met ti nairaman iti kaso a money laundering.
Nairaman daytoy iti kaso a mairekomendar a maipila nga isu ti 31 a kaso ti saan a panagtungpal iti linteg ti Anti-Money Laundering Act ti Section 4(d).
Iti pakabuklan, sumango ni sigud a mayor ti Bamban, Tarlac a ni Alice Guo iti 62 a kaso a panaglabsing iti sidong ti linteg.
