Mangisaysayangkat ti imbestigasyon iti Anti-Money Laundering Council mainaig dagiti sumagmamano a nagan dagiti kontratista a karaman kadagiti maanomalya a flood control projects.
Segun kenni Bangko Sentral Governor ken AMLC Chairman Eli Remolona, umaw-awat iti AMLC dagiti mapagduduaan a transaction reports manipud kadagiti bangko, ken no adda ti agparang a nagan ket dagos a maammiris.
Maipalagip a kenuna ni Presidente Ferdinand Marcos Jr. a sangapulo ket lima laeng dagiti nakaala ti 20% kadagiti 10,000 flood control projects manipud idi 2022.
Nagballaag met iti maysa a manmanday-linteg ti Kamara a mangpaayab dagiti opisyal, kontratista, ken manmanday-linteg no mapaneknek a karaman da kadagiti anomalya ti flood control wenno infrastructure projects.
Dinutokan metten ti Commission on Audit iti in-person technical inspection ti amin a flood control projects idiay Bulacan.
Inyusuat kas reporma ti Department of Budget Management ken Department of Information and Communications Technology iti maysa nga online portal nga agbalin a basaran ti publiko iti progreso ken pondo dagiti flood control projects ti pagilian.
