Mangipila manen iti National Bureau of Investigation (NBI) ti kanayunan a 30 a kaso sadiay Department of Justice (DOJ) mainaig kadagiti maanomlya a flood control projects kadagiti nagduduma a paset ti pagilian.
Kinuna ni NBI Director Melvin Matibag a dimmanonen iti 27 a kaso ti naipila da, pakairamanan dagiti kaso da Senador Jinggoy Estrada, sigud a Senador Bong Revilla, sigud a Department of Public Works and Highways (DPWH) Secretary Manuel Bonoan, ken sumagmamano a district engineer ti Department of Public Works and Highways.
Impaganetget ni Matibag a saan laeng a nakapamaysa idiay Taguig City, baluarte ni Senate Minority Leader Alan Peter Cayetano, iti imbestigasyon da.
Nalawlawa pay kunana iti sakop ti korapsyon kasta met nga agtultuloy iti panagimbestigar kadagiti nagduduma a flood control projects a mapapati a karaman kadagiti anomalya.
Tarigagay iti NBI a mapalawa iti pagsungbatan kadagiti proyekto a nangigubuay iti dakkel a pannakalugi iti Pilipinas.
