Pimmusay ti maysa a Barangay Treasurer kalpasan daytoy a nagsabidong idiay Naguilian, La Union.
Nabigbig ti biktima a ni Mardave Estepa, 26, baro, ken residente ti Barangay Gucing Norte, Naguilian, La Union.
Immuna ditoy, nagturong ni Municipal Councilor Georgina Estepa iti Naguilian Police Station tapno inyuman ti napasamak nga suicide incident iti nasao a lugar.
Maibasar iti insayangkat nga imbestigasyon ti Naguilian Police, agarop alas 12 ti tenga ti rabii idi July 17, 2021 idi a ti biktima ket ginandat na ti agpakamatay babaen iti panangipauneg na ti sabidong a pangpatay iti utot kasaruno ti pannakiturong na iti Naguilian District Hospital ken agarop 1:30 iti dayta met laeng nga aldaw ket inyawid isuna ti ina na.
Iti kinabigatan na, agarop alas 7:00 idi a nadiskubre ti ama a ni Eduardo Estepa a saanen nga agang-anges ti biktima kabayatan nga nakaidda iti silid daytoy.
Gapu ti pasamak ket dagus dagitoy nga nagpaarayat kadagiti kaaruba da.
Maibasar iti inaramid nga eksaminasyon ni Dr. Teofilo Savero E. Dumaguin Jr, Municipal Health Office ti pagagasan indeklara na a ti biktima ket pimmusay agarop alas 8:00 ti bigat iti July 17 gapu ti pannakasabidong.
Kabayatan na, kinuna met ni Councilor Estepa a ti kasinsin na a biktima ket agsagsagaba ti depresyon gapu ti personal a problema.
