BR LA UNION – Maragsakan ni Department of Education (DepEd) Secretary Sonny Angara iti panang-aprubar ti P961.3 billion budget ti ahensiya.
Segun kenni Angara, ti pondo ti mangipaay ti ad-adu a suporta kadagti mangisursuro, ad-adu nga oportunidad para kadagiti agtutubo ken mangilungalong ti natibtibker a pundasyon iti panagisuro.
Ti baro a budget ket nanayunan ti P86.8 billion manipud iti orihinal nga alokasyon na nga P874.5 billion iti National Expenditure Program.
Segun kenni Nueva Ecija Rep. Mikaela Suansing ti House appropriations chairperson, iti 2026 budget ti edukasyon ti kangatuan iti pakasaritaan ti pagilian.
Maibasar iti report ti bicameral conference committee, P57.3 billion ti mailatang para iti Basic Education Facilities Program a mangpondo iti konstruksyon dagiti 40,000 a baro a classroom iti sumaruno a tawen.
