Pagmultaen ita ti Korte Suprema ti maysa a Judge idiay Antipolo RTC Branch 99 gapo ta dinanon ti agingga pito a tawen ti pannakaitantan ti panagresolba na iti kaso.
Naipaulog ti nadakamat a desisyon babaen kenni Associate Justice Henry Jean Paul Inting kalpasan a mapaneknekan a nakaaramid iti gross neglect of duty ni Antipolo Regional Trial Court Branch 99 presiding Judge Miguel Asuncion.
Pinabileg pay ti Korte Suprema ti immun-una a rekomendasyon ti Judicial Integrity Board (JIB) a sentensyaan ti guilty ni Asuncion agsipud ta niresolbar laeng ti maysa a petisyon para iti maysa nga writ of preliminary injunction idi Abril 11, 2023.
Sumatotal ket dinanon ti nasurok pito a tawen ti kinapaot ti nadakamat a petisyon manipud iti naisumite idi Abril 1, 2016.
Dinakamat met ti Korte Suprema ti nakalanad iti Article VIII, Section 15 ti 1987 Constitution.
Nakaipasidong iti daitoy nga artikulo a dagiti kaso nga addaan ti nababbaba a hukom ket nasken a resolbaren ti las-ud iti tallo a bulan manipud iti panangipila iti kaudian a pleading maiyannurot ti Rules of Court wenno iti mismo a korte.
Nadakamat pay ditoy ti Canon 6, Section 5 ti New Code of Judicial Conduct a mangibilbilin kadagiti hukom a siguden iti agdesisyon kadagiti nakapila a kaso.
