LA UNION – Rinambakan iti naduma-duma a lokal a gobyerno, ahensiya ti gobyerno, ken dadduma pay nga organisasyon iti Phillipine Arbor Day idi kalman, Hunyo 25.
Daytoy ket babaen iti naisayangkat a tree planting kadagiti napili a lugar, kas iti La Union Botanical Garden a nakaimulaan ti 500 a cashew ken sampalok seedlings.
Malaksid dayta, nagibunong pay ti City Gov’t of San Fernando ken PGLU iti libre a seedlings ken ornamental plants.
Idiay ili ti San Juan, indaulwan ni Mayor Arturo Valdriz iti tree planting activity iti riverbank idiay Barangay Cabugnayan.
Iti Arbor Day ket nagbalin a holiday tunggal June 25 kada tawen ditoy Pilipinas kalpasan a na-establisar idi 2003, kas wagas iti panangsalwad iti aglawlaw babaen iti panagmula ti kay-kayo ken ornamental plants.
