Intantan ti Sandiganbayan Third Division iti arraignment wenno panagbasa ti arraignment kontra kenni sigud a Senador Bong Revilla ken dadduma pay nga akusado iti kaso a malversation.
Ti nasao nga arraignment ket maiyakar inton Pebrero 9, 2026, alas‑8:30 ti bigat, kalpasan dagiti sumagmamano nga issue.
Ti kaso ket mainaig iti maipagarup a pannakipaset ni Revilla kadagiti proyekto ti imprastruktura a naikkan ti minilion a gatad ngem saan a naipatungpal.
Kabayatanna, naitantan met ti naikeddeng ti arraignment para iti graft charges a sangsanguen ti sigud a mammanday-linteg.
Maipalagip a Revilla ket naminsanen a simmango ti kapada a kaso ken nawayawayaan idi 2018 kalpasan a naabsuelto iti kaso a plunder, ngem nagtalinaed a nakapending dagiti kaso a graft ken malversation.
Segun kadagiti legal observers, iti panagparang manen ni Revilla iti korte ket paset ti nalawlawa a kampania kontra ti panagkunniber.
Iti agdama, imbestigaran met ti Ombudsman dagiti sumagmamano a sigud a mammanday-linteg a karaman iti flood control scandal, karaman dagiti kaso a naipila maibusor kadagiti dadduma a mammanday-linteg ken dagiti personnel ti DPWH.###
