BR LA UNION – Nangiruar ti Regional Trial Court idiay Sta. Cruz, Laguna ti warrant of arrest kontra iti negosyante a ni Charlie “Atong” Ang ken 17 paya dadduma gaputi kaso a kidnapping with homicide.
Ti nasao a kaso ket maibilang a non-bailable offense, isunga awan ti piyansa na nga intuding ti korte.
Maibasar iti pammilin, adda nakita a probable cause tapno maimandar ti panangarestar kadagiti akusado.
Binilin pay ti korte iti pulisya nga agusar ti body-worn cameras ken recording devices iti panangiserbi ti warrant tapno masiguro ti transparency.
Iti kaso ket adda pakainaigan iti panagpukaw ken pannakatay ti sumagmamano a sabungero a nagbalin a dakkel nga isyu ditoy pagilian.
Gaputi dayta, namnamaen ti nainget a panang-bantay iti proseso ti panag-arestar ken panangusig kadagiti akusado.
Awan pay iti waragawag ti kampo ni Ang seknan iti baro a development ti kaso.
