Pinaglibakan ni Naomi Deng, asawa ti mapagduaduaan nga sleeper agent ti China a ni Deng Yuangin, nga espia ti mister-na.
Segun kenni Naomi, sangapulo a tawenen nga agnanaed ni Yuangin ditoy Pilipinas ken agtartrabaho iti self-driving car technology babaen ti panag-survey kadagiti kakalsadaan.
Impapilit met ni Naomi nga awan ti pakainaigan ti mister na iti aniaman nga aktibidad ti panagespia.
Pagamkanna met ti epekto dagiti kasta nga alegasion iti pamiliana, nangnangruna dagiti annakda.
Nasapsapan a kinuna ti National Bureau of Investigation a ti grupo ni Yuangin ket nagturong kadagiti sensitibo a lokasion iti Pilipinas a kas kadagiti kampo militar, sangladan ti baybay, eropuerto, ken Enhanced Defense Cooperation Agreement (EDCA) sites tapno makagun-od kadagiti sensitibo nga impormasion.
Nagapela met ni Movement for Restoration of Peace and Order president Teresita Ang-See iti patas nga imbestigasion ni Deng mainaig kadagiti alegasion maibusor kenkuana.
Kinuna ni Ang-See a mapalubusan met kuma ni Deng a bisitaen dagiti kakabagian ken gagayyem na kalpasan a pinaritan isuna a mabisita manipud kadagiti personnel ti Chinese embassy.
