Agpanpanawagan ti foreign ministers ti Association of Southeast Asian Nations (ASEAN) kadagiti amin a partido a raemen ti ceasefire tapno maliklikan iti panagwaras ti gyera idiay Middle East.
Iti maysa a joint statement ket nangiwaragawag ti pagdanagan da iti regional bloc seknan ti kumarkaro a tensyon ken impeksa da iti panagsuporta para ti maitantandudo a kinakapia iti rehiyon.
Pinatibker pay ti 10-member bloc iti panagkumit da ti nakapia a panagresolbar kadagiti nagdudumaan ti pammati kasta met ti panagraem iti soberaniya ken territorial integrity dagiti amin a pagilian ti intero a lubong.
Impaganetget dagiti ASEAN foreign ministers a nasken a maiyannurot latta iti international law ken United Nations Charter dagiti amin a maaramid nga addang.
Nangipadanon pay ti panagsporta iti grupo para iti sangalubongan nga inisyatiba babaen iti panangidaulo ti United Nation a panggep a gibusenen ti tensiyon ken marugian iti konstruktibo a saritaan ti nagbaetan dagiti karaman a partido. Maipanggep iti dayta ket nagsapata ti ASEAN iti tulong para kadagiti tattao nga apektado iti rinnupak.
Ti waragawag ket kasaruno ti nabiit pay a ceasefire kalpasan ti inawagan da a “12 day of war” ti nagbaetan ti Israel ken Iran a nangrugi idi Hunyo 13, a nakatayan ti nasurok 600 a tattao iti biang ti Iran bayat a 29 met sadiay Israel. Nakailista met ti rinibu a sibilyan a nadundunor ti nagsinnumbangir a dasig.
