Nagtulag iti Pilipinas ken siam a pagilian a miembro ti ASEAN a saan a mangipaulog ti ”retaliatory measures” kontra ti Estados Unidos mainaig dagiti baro a naipatungpal a taripa.
Ti maysa a panagtataripnong dagiti economic ministers a naangay sadiay Kuala Lumpur, Malaysia idi Huwebes, impaganetget da a nasaysayaat dagiti dayalogo ngem ti panangibales, nangruna ti ti Estados Unidos ket kangrunaan a pagtataudan dagiti foreign direct investments ti ASEAN ken maikadua a kadakkelan a trading partner idi tawen 2024.
Segun kenni Frederick Go, Special Assistant to the President for Investment and Economic Affairs, makikokoordinaren ti administrasyo ni Presidente Marcos iti Office of the United States Trade Representative (USTR) tapno marugian ti saritaan.
Kinuna met ni Trade Secretary Maria Cristina Roque kitkitaen dan iti panangaramid ti impact assessment ken mitigation strategies tapno masalakniban ti interes iti rehiyon ken mapagtalinaed ti talek dagiti agpupuonan.
Malaksid iti taripa, dinakamat pay ti ASEAN ministers ti panangpapigsa ti intra-ASEAN trade tapno labanan dagiti external economic pressures.
Makuna a naapektaranen ti nadadagsen a taripa Estados Unidos dagiti dadduma nga ASEAN member-states, pakairamanan ti Vietnam (46%), Cambodia (49%), Laos (48%), ken ti Pilipinas (17%).
