LA UNION – Dumanunen iti dua pulo nga atleta ti pagilian iti makisalip sumagmamano a lawas sakbay a mangrugi ti Paris Olympics.
Segun ken ni Philippine Olympic Committee president Abraham “Bambol” Tolentino, nainayon dagiti swimmers a da Kayla Sanchez ken Jarold Hatch, agraman ti judoka a ni Kiyomi Watanabe ken dagiti babai a golfer a da Bianca Pagdanganan ken Dottie Ardina.
Kualipikado met ni Hatch iti men’s 100-meter butterfly idinto a ni Sanchez, a dati Canadian ngem nagsukat daytoi ti nationality na idi 2021 a nagbalin a Filipino, makisalip isuna iti women’s 100-meter freestyle.
Bayat a makisalip ni Watanabe iti Olympics iti maikadua a gundaway kalpasan a simrek iti continental qualification iti women’s 63 kgs.
Kasta met kenni Pagdanganan, a maikadua nga ay-ayamna iti Olympics idinto first timer laeng ni Ardina.
Innayonna a naimbag a damag a nalab-awan ti pagilian ti delegado a naipatulod iti naudi a Tokyo Olympics nga addaan laeng iti 19.
Saan a maawanan ti namnama a manayunan pay dagiti atleta bayat nga umadanin ti torneo.
Maysa kadagiti ur-urayenda ket ni world number 2 pole vaulter Ernest John Obiena a kaduada idiay Paris ta adda pay laeng ti qualifying round.
Maipalagip a kualipikado ti Paris Olympics da weightlifters Vanessa Sarno, John Febuar Ceniza at Elreen Ando; boxers Aira Villegas, Hergie Bacyadan, Carlo Paalam, Nesthy Petecio ken Eumir Felix Marcial; rower Joanie Delgaco; fencer Samantha Catantan; ken gymnasts Carlos Yulo, Emma Malabuyo at Levi Ruivivar.
Adda idiay Metz, France dagiti sumagmamano nga atleta tapno aginsayo sumagmamano a lawas sakbay iti panangrugi ti Olympics.
