BR LA UNION – Impaganetget ni National Police Commission (NAPOLCOM) Commissioner Vice Chairperson ken Executive Officer Atty. Rafael Vicente Calinisan nga awan ti ammo na seknan iti maipagarop a nagbalin a dayalogo iti baetan ti opisina da ken Philippine National Police (PNP).
Maisupadi daytoy iti inwaragawag ni PNP Chief PGen. Nicolas Torre III iti naisayangkat a presscon idiay Kampo Krame idi kalman.
Imbaga ni Gen. Torre a narisoten ti isyu seknan iti napasamak a rigodon iti uneg ti PNP babaen kunana ti maysa a dayalogo iti baetan dagiti maseknan nga ahensya.
Maipalagip a nagramot ti isyu kalpasan a nangiruar ti resolusyon iti NAPOLCOM a mangbil-bilin nga isubli kas PNP Deputy Chief for Administrator ni PLtGen. Jose Melencio Nartatez Jr. a sinukatan ni PLtGen. Bernard Banac, a sigud nga Area Police Command ti Western Mindanao.
Kasaruno daytoy ket ibilang itan a closed book ti PNP ti nasao nga isyu ken siniguro na nga agtultuloy nga agtrabaho para iti tarigagay da ken sinapataan a mandato iti ili.
