Nangipila iti reklamo ti Presidential Anti-Organized Crime Commission ken Philippine National Police – Criminal Investigation Detection Group kontra kadagiti personalidad a karaman iti illegal nga operasion dagiti Philippine Offshore Gaming Operators ditoy pagilian.
Karaman kadagiti nangipila iti qualified human trafficking complaint da dati a presidential Spokesperson Attorney Harry Roque, Lucky South 99 representative Cassandra Ong ken dadduma pay a respondents.
Maipalagip a nairaman ni Roque iti illegal operation ti POGO partikular ti Lucky South 99, banag nga inlibak ti dati nga opisyal.
Sapsapulen itan dagiti otoridad ni Roque kalpasan nga i-cite in contempt ti House Quad Committee.
Napaay daytoy a nangisubmitir iti kasapulan a dokumento iti committee hearing tapno mailawlawag ti maipagarup a kellaat a kinabaknangna.
Kabayatanna, pinaglibakan ni Roque nga isu ket naglibas gapu ta awan ti pending case na iti korte. Patienna nga mapolpolitika laeng isuna kasta met iti pamilya Duterte.
