Pinainget ti Philippine National Police ti panangsapulda kenni Senador Ronald “Bato” dela Rosa kalpasan a mapaso ti maysa a lawas nga extension a naited kenkuana tapnu sumuko kadagiti otoridad.
Segun kenni PNP Deputy Chief for Administration Lieutenant General Wilson Lopez, nangbukelen ti pulisya iti task groups iti 18 a rehion tapno sapulen ken tiliwen ti senador.
Malagip nga adda iti gungguna a ₱50 milion para iti siasinoman a makaipaay iti impormasion a mangiturong iti pannakaaresto ni Dela Rosa.
Kinuna ni Lopez a makikoordinarda pay iti Bureau of Immigration tapnu mapasingkedan ti impormasyon nga adda pay laeng ti senador ditoy Pilipinas.
Kabayatanna, nagpanawagan ti PNP iti senador a boluntario laengen a sumuko tapno maliklikan ti aniaman a posible a kinaranggas iti maiyusuat nga operasion.
